शेयर बजार सिक्ने क्रममा सबैभन्दा ठूलो डर हुन्छ, गलत निर्णय भयो भने पैसा गुम्छ। कुन कम्पनी किन्ने, कति मूल्यमा किन्ने, कहिले बेच्ने वा आफूले बनाएको रणनीतिले काम गर्छ कि गर्दैन भन्ने कुरा धेरैले वास्तविक पैसा लगाएपछि मात्रै थाहा पाउँछन्।

अब भने वास्तविक पैसा जोखिममा नराखी शेयर खरिद बिक्रीको अभ्यास गर्न सकिने भएको छ। नेप्से बजारद्वारा सञ्चालित ‘लगानी शिक्षा’ प्लेटफर्ममा टीएमएस सिमुलेटर सञ्चालनमा ल्याइएको छ, जहाँ प्रयोगकर्ताले वास्तविक टीएमएसमा जस्तै शेयर किनबेचको अभ्यास गर्न सक्छन्।

यसमा वास्तविक पैसा होइन, अभ्यासका लागि उपलब्ध गराइएको भर्चुअल रकम प्रयोग हुन्छ। त्यसैले गलत कम्पनी छानियो, महँगो मूल्यमा शेयर किनियो वा हतारमा बेचियो भने बैंक खाताबाट पैसा घट्दैन। बरु आफूले गरेको गल्ती कहाँ भयो भनेर बुझ्दै अर्को रणनीति परीक्षण गर्न सकिन्छ।

लगानी शिक्षाको लागि यहाँ क्लिक गर्नुहोस्

वास्तविक पैसा हाल्नुअघि आफ्नो रणनीति परीक्षण

शेयर बजारमा अरूले भनेको भरमा शेयर किन्नेभन्दा आफूले बनाएको रणनीति काम गर्छ कि गर्दैन भन्ने कुरा परीक्षण गर्नु महत्वपूर्ण हुन्छ। टीएमएस सिमुलेटरमार्फत प्रयोगकर्ताले कम्पनी छानेर शेयर खरिद गर्न, बिक्री गर्न, आफ्नो पोर्टफोलियो बनाउन र खरिद–बिक्रीको निर्णयले पोर्टफोलियोमा कस्तो असर गर्छ भनेर अभ्यास गर्न सक्छन्। यसले विशेष गरी पहिलोपटक दोस्रो बजारमा प्रवेश गर्न चाहने, टीएमएस चलाउन सिकिरहेका वा आफ्नै ट्रेडिङ रणनीति परीक्षण गर्न चाहने व्यक्तिलाई वास्तविक पैसा लगाउनुअघि अभ्यास गर्ने अवसर दिन्छ। पैसा लगाएर गल्ती गर्दा घाटा हुन्छ। तर यही गल्ती सिमुलेटरमा गर्दा त्यो अनुभव र सिकाइ बन्न सक्छ।

पुस्तक पढ्ने मात्रै होइन, सिकेको कुरा प्रयोग गरेर हेर्न सकिने

‘लगानी शिक्षा’लाई सामान्य अनलाइन पुस्तक पढ्ने प्लेटफर्ममा मात्र सीमित राखिएको छैन। प्लेटफर्ममा शेयर बजारसम्बन्धी डिजिटल पुस्तक तथा ई–पुस्तक उपलब्ध छन्। यसमा आधारभूत विश्लेषण, प्राविधिक विश्लेषण, कम्पनीको वित्तीय अवस्था बुझ्ने तरिका, चार्ट प्याटर्न, क्यान्डलस्टिक प्याटर्न, सपोर्ट र रेसिस्टेन्स, ट्रेन्ड, मुभिङ एभरेज, डाइभर्जेन्स, प्रवेश मूल्य, स्टप लस, लक्ष्य निर्धारणलगायत धेरै विषय चरणबद्ध रूपमा सिक्न सकिन्छ।

अर्थात् प्रयोगकर्ताले पहिले कुनै विषय पढ्न सक्छन्, त्यसपछि त्यसैको आधारमा कम्पनी अध्ययन गर्न सक्छन् र अन्त्यमा टीएमएस सिमुलेटरमा गएर आफ्नो रणनीति व्यवहारमा परीक्षण गर्न सक्छन्।

कम्पनीको प्राविधिक अवस्था एकै ठाउँमा

प्लेटफर्ममा कम्पनीहरूको प्राविधिक अवस्था बुझ्नका लागि छुट्टै प्राविधिक सूचक विश्लेषण प्रणाली पनि उपलब्ध छ। यसमा आरएसआई, एमएसीडी, स्टोकास्टिक आरएसआई, मुभिङ एभरेज, सुपरट्रेन्ड, एडीएक्स, बोलिन्जर ब्यान्ड, एटीआर, ओबीभी, सीएमएफ, मनी फ्लो सूचक लगायत विभिन्न सूचकहरूको अवस्था एकै ठाउँमा हेर्न सकिन्छ।

कुन सूचकले सकारात्मक अवस्था देखाइरहेको छ, कुन सूचक कमजोर छ, मूल्य मुख्य मुभिङ एभरेजभन्दा माथि छ कि तल, सपोर्ट र रेसिस्टेन्स कहाँ छ जस्ता जानकारी बुझ्न प्रयोगकर्ताले प्रत्येक सूचक छुट्टाछुट्टै हिसाब गरिरहनु पर्दैन।

एआइबाट प्राविधिक विश्लेषण

‘लगानी शिक्षा’मा एआइमा आधारित प्राविधिक विश्लेषण सुविधा पनि राखिएको छ। उपलब्ध बजार तथ्यांक तथा विभिन्न प्राविधिक सूचकलाई आधार बनाएर

कम्पनीको प्राविधिक अवस्था बुझ्न यसले सहयोग गर्छ। यसले प्रयोगकर्तालाई एउटै सूचक हेरेर निर्णय गर्नुभन्दा विभिन्न तथ्यलाई एकै ठाउँमा बुझ्न सजिलो बनाउँछ।

आफ्नो पोर्टफोलियो कस्तो छ? अब विश्लेषण पनि गर्न सकिने

शेयर किनेर राखेपछि धेरैलाई आफ्नो समग्र पोर्टफोलियो कस्तो अवस्थामा छ भन्ने स्पष्ट जानकारी हुँदैन। यसका लागि प्लेटफर्ममा पोर्टफोलियो ट्र्याकर तथा पोर्टफोलियो विश्लेषण सुविधा पनि उपलब्ध छ। आफ्नो लगानी व्यवस्थापन गर्न, पोर्टफोलियोको अवस्था हेर्न तथा आफूले गरेको लगानीलाई व्यवस्थित रूपमा अध्ययन गर्न यो सुविधा प्रयोग गर्न सकिन्छ।

शेयर किन्नुअघि एकपटक सिमुलेटरमा किनेर हेर्नुस्

शेयर बजारमा वास्तविक पैसा हाल्दा एउटा गलत निर्णयले हजारौँ रुपैयाँको घाटा हुन सक्छ। तर त्यही निर्णय अभ्यासको पैसाबाट गरेर नतिजा हेर्न पाइयो भने वास्तविक बजारमा प्रवेश गर्नुअघि धेरै कुरा सिक्न सकिन्छ। त्यसैले कसैले कुनै कम्पनीको नाम भन्यो भन्दैमा सिधै टीएमएस खोलेर वास्तविक पैसा लगाउनुभन्दा पहिले ‘लगानी शिक्षा’को टीएमएस सिमुलेटरमा गएर त्यसलाई अभ्यास गर्न सकिन्छ।